SKU: 19066
12995
აღწერა 

ჩიტიწვივა მრავალწლოვანი მარადმწვანე მცენარეა. ტრადიციულ ჩინურ მედიცინაში საუკუნეების მანძილზე გამოიყენებოდა სხვადასხვა დაავადების სამკურნალოდ. მცენარეულ მედიცინაში მოიხმარენ მის ყვავილებს და თესლებს. ძირითადად იზრდებოდა აღმოსავლეთ და დასავლეთ აზიაში და მისი ოთხამდე სახეობა არსებობდა კოლხეთის დაბლობზე.

ლეგენდის თანახმად, ჩინელმა მეცხვარემ შეამჩნია რომ მამალი ცხვრები უფრო მოსიყვარულეები ხდებოდნენ ამ მცენარის ფოთლების ჭამის მერე. ვარაუდობენ, რომ მისი სახელიც აქედან მოდის - horny goat weed. მას მერე აღმოსავლურ მედიცინაში გამოიყენებოდა როგორც მცენარეული აფროდიზიაკი და მამაკაცების პოტენციის ასამაღლებელი საშუალება.

ჩიტიწვივას აქვს დიურეზული (შარდმდენი), მატონიზირებელი და ჰიპერტონული (წნევის ამწევი) მოქმედება. გარდა ამისა მას იყენებდნენ სექსუალური დისფუნქციების, თირკმლის პრობლემების და ძვლების დაავადებების სამკურნალოდ.

ეპიმედიუმის მოქმედი ნივთიერებაა იკარინი. სწორედ მის გამო ხასიათდება ჩიტიწვივა ამდენი სამკურნალო თვისებით. მსგავსად სხვა მრავალი სამკურნალო მცენარისა, ეპიმედიუმიც დიდი რაოდენობით შეიცავს ფლავანოიდებს, ანტიოქსიდანტების ერთ-ერთ სახეობას. საშუალოდ, დაახლოებით 37 სახეობის ფლავანოიდია მის შემადგენლობაში, რაც ძალიან მაღალია.

ჩიტიწვივას შემადგენლობაში შედის ქვერცეტინიც, რომელიც კარგად გამოიყენება მხედველობის და გულის პათოლოგიების სამკურნალოდ. მას შეუძლია იმუნიტეტის გაძლიერება და აქვს სიმსივნის საწინააღმდეგო მოქმედება.

ეპიმედიუმი ადუნებს გლუვ კუნთებს, რის გამოც მეტი სისხლი მიედინება სისხლძარღვებში. ასე ხელს უწყობს ცირკულაციის გაუმჯობესებას გენიტალიურ არეებში, რაც შესაბამისად ზრდის ლიბიდოს. ესაა მიზეზი, რის გამოც კარგად გამოიყენება ერექციული დისფუნქციების და ვაგინალური სიმშრალის სამკურნალოდ.

ჩიტიწვივა ზრდის ჩანასახოვანი სითხის რაოდენობას და ხელს უშლის ნაადრევ ეაკულაციას. ეს მცენარე არის ყველაზე ფართოდ გავრცელებული საშუალება მამაკაცებში დაბალი სქესობრივი ლტოლვის  სამკურნალოდ. იგივე მიზეზით ეპიმედიუმი გამოიყენება ქალბატონებშიც. ზოგიერთი ექიმი თვლის რომ ჩიტიწვივათი მკურნალობისას უკეთესი შედეგი მიიღწევა, ვიდრე სხვა სინთეზური პრეპარატებით.

მას აქვს ბრონქიტის, ასთმის და ხველების სამკურნალო ეფექტი. გარდა ამისა მოქმედებს როგორც ვაზოდილატატორი, მატონიზირებელი, ჰიპოგლიკემიური, ანტიბაქტერიული და ანტირევმატიული პრეპარატი. შეუძლია მოაწესრიგოს სისხლში შაქრის დონე, გამოიყენება ლუმბაგოს (წელის მწვავე ტკივილი), ართრიტის და სუსტი კიდურების სამკურნალოდ.

ითვლება რომ ჩიტიწვივას შეუძლია გაზარდოს ეპინეფრინის, ნორეპინეფრინის, სეროტონინის და დოფამინის რაოდენობა ორგანიზმში. დოფამინი არეგულირებს რეპროდუქციული ჰორმონების გამომუშავებას, შედეგად იზრდება ტესტოსტერონის რაოდენობა მამაკაცებში. ტესტოსტერონი კი ეხმარება ორგანიზმს კუნთოვანი ქსოვილის ჩამოყალიბებასა და გავითარებაში. სეროტონინის გამო კარგი მცენარეული სამკურნალო საშუალებაა შფოთვის და სტრესის დროს.

ეპიმედიუმი კარგად გამოიყენება მენოპაუზის სიმპტომების სამკურნალოდ რადგან აქვს ესტროგენის მსგავსი მოქმედება პოსტ-კლიმაქსურ პერიოდში.

იკარინს აქვს კიდევ ერთი თვისება, რის გამოც პოსტმენოპაუზურ პერიოდში მისი მიღება სასარგებლოა ქალბატონებისთვის - იცავს ძვლებს ოსტეოპოროზისგან და ეხმარება ძვლებს სიმტკიცის შენარჩუნებაში.

გარდა ამისა ჩიტიწვივა აწესრიგებს თირკმელების და ღვიძლის ფუნქციებს.

რაც შეეხება ჩიტიწვივას დოზირებას, საშუალოდ 250-დან 1000 მილიგრამამდე მიიღება დღეში.

 

რეკომენდაცია
დამატებითი ინფორმაცია

მიუხედავად იმისა, რომ ყველანაირად ვცდილობთ უახლესი ინფორმაცია მოგაწოდოთ ჩვენი ვებ გვერდის საშუალებით, გთხოვთ გამოყენებამდე ყოველთვის გაეცნოთ ანოტაციას, გაფრთხილებებს და პროდუქტის გამოყენების წესებს.

Holland & Barrett ჩიტი წვივა 250მგ
12995

მსგავსი პროდუქცია