ჯანსაღი კუჭ-ნაწლავი საუკეთესო დამხმარე წონის კლებისთვის
კუჭ-ნაწლავის ჯანმრთელობა და წონის დაკლება თანხვედრაშია. უახლესი კვლევის მიხედვით, თქვენი საჭმლის მომნელებელი სისტემის ჯანმრთელობა არა მხოლოდ ზოგადი ჯანმრთელობის გასაღებია, არამედ წონის კლების საიდუმლოც.
იცოდით, რომ მიკრობები, რომლებიც თქვნს ორგანიზმში ცხოვრობენ 10:1-ით აღემატება თქვენი სხეულის უჯრედების რაოდენობას?
მსხვილ ნაწლავში დაახლოებით 100 ტრილიონი მიკრობია, ძირითადად ბაქტერიები და ერთად ისინი მიკრობიომს ქმნიან.
რას აკეთებენ ნაწლავის ბაქტერიები თქვენთვის?
არსებობს ნაწლავის ბაქტერიების ასობით შტამი - ზოგი სასარგებლოა, ზოგი არა - და ჩვენ მხოლოდ ახლა ვიწყებთ მათი როლის აღმოჩენას ჩვენი ჯანმრთელობის დაცვაში.
ჯანსაღი, მეგობარი ბაქტერიები დაგეხმარებათ:
- მოინელოთ საკვები
- დაგიცვათ პათოგენური ვირუსებისგან
- უზრუნველყოს ორგანიზმისთვის აუცილებელი საკვები ნივთიერებები, ფერმენტები და ჰორმონები
- მართოთ თქვენი მეტაბოლიზმი
- აიმაღლოთ იმუნიტეტი
მაგრამ მათ შეუძლიათ ამ ყველაფრის გაკეთება მხოლოდ იმ შემთხვევაში, თუ თქვენი მიკრობიომი დაბალანსებულია. წინააღმდეგ შემთხვევაში შეიძლება განვითარდეს საჭმლის მონელების პრობლემები, ცუდი განწყობა, სუსტი იმუნიტეტი და წონის მომატება.
აქვე გაგიზარებთ ნაწლავის კვლევის მონაცემებს წონის დაკლებაზე.
ჭარბწონიანი ტყუპების და გამხდარი ტყუპების კვლევებმა აჩვენა, რომ გამხდარ ტყუპებს აქვთ ცოცხალი და მრავალფეროვანი მიკრობული საზოგადოება, ხოლო ჭარბწონიან ტყუპებს გაცილებით ნაკლები სასარგებლო მიკრობები აქვთ.
ნაწლავის მიკრობებს შეუძლიათ შეცვალონ ჩვენი ცხიმების შენახვის პროცესი, დააბალანსონ სისხლში გლუკოზის დონე და ჰორმონები, გრელინი რომლებიც პასუხისმეგბელია შიმშილიზე და ლეპტინი - დანაყრებაზე.
ბევრი რამის გაკეთება შეგიძლიათ თქვენი ნაწლავების ჯანმრთელობის გასაუმჯობესებლად და წონის დაკლებისთვის.
და ეს ყველაფერი იწყება თქვენი კუჭ-ნაწლავის სიყვარულით.
ნებისმიერი ნაწლავისთვის ჯანსაღი დიეტის მთავარი მიზანია ჩვენს საჭმლის მომნელებელ სისტემაში კარგი ბაქტერიების რაოდენობისა და მრავალფეროვნების გაზრდა.
აქ მოცემულია რამდენიმე გზა, რისი გაკეთებაც შეგიძლიათ:
- სტრესის მინიმუმამდე შემცირება
კვლევებმა აჩვენა, რომ სტრესის ქვეშ ყოფნა ამცირებს ნაწლავის მიკრობების რაოდენობას და მრავალფეროვნებას.
სცადეთ გამოყოთ დრო თქვენთვის სასიამოვნო აქტივობებისთვის, იქნება ეს იოგა, ხატვა თუ კარგი წიგნის კითხვა.
- გააქტიურდით
კვლევებით დასტურდება, რომ სპორტსმენებს აქვთ ნაწლავის ბაქტერიების უფრო დიდი რაოდენობა, ვიდრე არააქტიურ ადამიანებს.
დიეტის როლი ნაწლავების ჯანმრთელობაში
როგორც უკვე განვიხილეთ დიეტა არის მთავარი, როდესაც ჩვენ ვფიქრობთ ჩვენი ნაწლავების ჯანმრთელობის გაუმჯობესებაზე და წონის დაკლებაზე.
აქ მოცემულია რამდენიმე გზა, რომლითაც შეგიძლიათ თქვენი დიეტა უფრო კეთილგანწყობილი გახადოთ:
- შეამცირეთ შაქარი და დამუშავებული საკვები
ჭარბი შაქარი თრგუნავს სასარგებლო ბაქტერიებს და ხელს უწყობს არაჯანსაღი მიკრობების განვითარებას.
დამუშავებული საკვები ხშირად შეიცავს შაქარს, მარილს, ტრანს ცხიმებს, დანამატებს და კონსერვანტებს.
- შეავსეთ ნაწლავები სასარგებლო საკვებით
ჯანსაღი, პრებიოტიკებით მდიდარი საკვები ზრდის ნაწლავებში ,,მეგობარი“ ბაქტერიების რაოდენობას.
თქვენ შეგიძლიათ იპოვოთ ისინი ბოჭკოთი მდიდარი საკვების შემადგენლობაში, ასეთებს კი მიეკუთვნება ბანანი, ვარდკაჭაჭა, ხახვი, ნიორი და პრასი, ისევე როგორც სხვა მრავალი ხილი, ბოსტნეული, პარკოსნები, თხილი და თესლი.
გაზარდეთ ბუნებრივი ბაქტერიების მიღება.
შეეცადეთ მიირთვათ მეტი საკვები, რომელიც შეიცავს ცოცხალ ბაქტერიებსა და საფუარს, ანუ პრობიოტიკებს - ზოგი ბუნებრივად ფერმენტირებულია, ზოგი კი დამატებულია კულტურებით.
მოერიდეთ არომატიზებულ და ტკბილ რძეს და სასმელებს, რადგან ამან შეიძლება არ იქონიოს სასურველი ეფექტი. ამის ნაცვლად, შეარჩიეთ ბუნებრივი ფერმენტირებული საკვები.
აქ არის რამდენიმე საუკეთესო პრობიოტიკი:
- ცოცხალი, ნატურალური იოგურტი
- კეფირი – ფერმენტირებული რძის სასმელი
- კომბუჩა – ფერმენტირებული ჩაის სასმელი
- კიმჩი – კორეული ბოსტნეულის მწნილი
- მჟავე კომბოსტო – გერმანული კომბოტოს მწნილი
- სხვა მწნილები
- მისო
- დაძველებული ყველი
როგორ გვეხმარება პრობიოტიკები წონის დაკლებაში?
პრობიოტიკები და წონის დაკლება დაკავშირებულია და კვლევებმა აჩვენა, რომ პრობიოტიკებს შეუძლიათ შეამცირონ სხეულის წონა და ცხიმის მასა ინდივიდებში, ასევე გააუმჯობესონ ცხიმისა და შაქრის მეტაბოლიზმი.
ისინი საჭმლის მომნელებელ ტრაქტში გადადიან მსხვილ ნაწლავში, სადაც ავსებენ იქ მცხოვრები მიკრობების რაოდენობას და შტამებს.
მიირთვით უხვად, მრავალფეროვანი საკვები.
კარგი ამბავი მათთვის, ვინც წარსულში ებრძოდა შემზღუდველ, კალორიით კონტროლირებად დიეტებს: როდესაც საქმე ეხება თქვენი ნაწლავების ჯანმრთელობის გაუმჯობესებას და წონის დაკლებას, მნიშვნელოვანია თქვენი საკვები რაციონის გამრავალფეროვნება!
მრავალფეროვნება აკლია თანამედროვე, დასავლურ დიეტებს, მაგრამ ნატურალური საკვების მრავალფეროვნების გაზრდა თქვენი მიკრობიომის გაუმჯობესების ყველაზე სწრაფი გზაა.
კვლევებმა აჩვენა, რომ დიეტაზე მყოფი ადამიანები, რომლებიც მიირთმევენ ჯანსაღი საკვების მრავალფეროვნებას, უფრო მეტად კარგავენ წონას და ცხიმს გრძელვადიან პერიოდში და ნაკლებად უვითარდებათ მეტაბოლური სინდრომი.
ასე რომ, ყოველდღე მიირთვით ხილი და ბოსტნეული, თხილი და თესლი.
მიირთმევით სეზონური პროდუქტები, მოამზადეთ ახალი რეცეპტებით და ნუ შეგაშინებთ სხვადასხვა ქვეყნის კულინარიული ექსპერიმენტები.
გამოდით კვების კომფორტის ზონიდან! თქვენი კუჭ-ნაწლავი მადლობას მოგახსენებთ ამისთვის და თქვენც კმაყოფილი დარჩებით წელის შემცირებული გარშემოწერილობით.
