როგორ შევამციროთ შაქრის მოხმარება ოჯახში

ცუდი არ არის ვაკონტროლოთ ბავშვებში შაქრის მოხმარება, მაგრამ დღესასწაულების დროს ეს ცოტათი რთული ხდება და დიდ გამოწვევას წარმოადგენს. ყოველი დღე ერთმანეთს არ ჰგავს, ზოგიერთი უფრო ჯანსაღია კვების მხრივ, სხვა დღეებთან შედარებით, თუმცა ეტაპობრივად გადადგმული მარტივი ნაბიჯები დაგეხმარებათ ოჯახში აკონტროლოთ შაქრის მიღება.

აი, რა უნდა იცოდეთ

არსებობს მითითებები, რომ თქვენი დღიური კალორიების არაუმეტეს 5 პროცენტი უნდა შეადგენდეს „უფასო შაქარს“. ეს არის შაქარი, რომელიც დამატებული აქვს საკვებს და სასმელს, როგორიცაა ტკბილეული, ორცხობილა და ნამცხვრები, ასევე მარცვლეული, იოგურტები და სოუსები. შაქარი დაუტკბობელ ხილსა და სმუზებში, თაფლსა და სიროფებში, ასევე თავისუფალი შაქარია, მიუხედავად იმისა, რომ ისინი მათში ბუნებრივად გვხვდება.

 როგორ გამოიყურება თქვენი ყოველდღიური კალორიების 5 პროცენტი?  

ზრდასრული ადამიანისთვის ეს არის დაახლოებით 30 გრ ან 7 კუბი შაქარი. 7-10 წლის ბავშვებისთვის ეს არის დაახლოებით 24 გ ან 6 კუბიკი. ხოლო 4-6 წლის ბავშვებისთვის ეს არის დაახლოებით 19 გრ ან 5 კუბიკი. რეკომენდირებულია, რომ 4 წლამდე ბავშვები მოერიდონ საკვებს და სასმელებს, რომლებსაც აქვთ დამატებული შაქარი.

ჩვენს მიერ ძალიან ბევრი შაქრის მიღება დაკავშირებულია კბილების გაფუჭებასთან და წონის მატებასთან (და ჭარბი წონის შემთხვევაში მე-2 ტიპის დიაბეტის მაღალი რისკთან), ამიტომაც ღირს საკუთარი ოჯახის მიერ შაქრის მოხმარების შემოწმება. თქვენც შეიძლება დაიცვათ დიეტა შაქრის დაბალი დოზის მიღებით ან ეძებოთ ალტერნატივები.

სცადეთ ეს მარტივი გზები

გამოიყენეთ სტაფილო და არა ჩხირები

მართალი იქნებით თუ დაგაინტერესებთ, არის თუ არა შაქრიანი ტკბილეულის, ორცხობილისა და ნამცხვრების სრულიად შეზღუდვა, მართლაც საუკეთესო გზა. კვლევამ დაადგინა, რომ ბავშები უფრო მეტ მოთხოვნილებას იჩენენ აკრძალული საკვების მიმართ. ეს არ არის ჯანსაღი დიეტის, ან ჰარმონიული ოჯახის რეცეპტი!

იპოვეთ უფრო ჯანსაღი ალტერნატივები, რათა თავი აარიდოთ შაქარს. შეავსეთ კარადები ფერადი ინგრედიენტებითა და საინტერესო ტექსტურებით, როგორიცაა ხრაშუნა ბოსტნეულის ჩიფსები. სხვადასხვა ვარიანტების არსებობა, რომელთაგანაც ბავშვებს შეუძლიათ აირჩიონ, საშუალებას აძლევს მათ იგრძნონ, რომ მათ აქვთ მონაწილეობის უფლება გადაწყვეტილების მიღებაში. მაცივარში იოგურტით და სხვადასხვა ტოპინგებით, თქვენ ყოველთვის შეგიძლიათ მოამზადოთ სნექი.

ეს შეიძლება ყოველთვის არ იყოს პრაქტიკული, მაგრამ შეგიძლიათ დაიწყოთ საკუთარი საჭმლისა და კერძების მომზადება. რადგანაც ბავშვები შაქრის ნახევარს იღებენ ხემსებიდან და სასმელებიდან, თქვენ ასე შეგიძლიათ შაქრის მიღების შემცირება. ჩართეთ ბავშვები მზადების პროცესში, მაგ. ჯანსაღი ფლეპჯეკების ან შოკოლადის ბურთების მზადების პროცესში.

შეამცირეთ პორციები

არ ინერვიულოთ გამონაკლის დღეებში პეჩენიების მირთმევაზე. სანერვიულო მაშინაა, როცა შაქრიანი კერძების მიღება ჩვევად იქცევა. ასევე, შეამოწმეთ პორციის ზომები. არსებობს მითითება, რომ ჩვენ უნდა მოვუწოდებთ მშობლებს, ბავშვებს დღეში მაქსიმუმ ორი ხემსის მირთმევის შესაძლებლობა მისცენ, თითოეული არაუმეტეს 100 კალორიისა. როგორც წესი, მუქი შოკოლადით დაფარული ბრინჯის ნამცხვარი შეიცავს დაახლოებით 55 კალორიას და 2,6 გრ შაქარს.

მოამზადეთ სასმელები სხვადასხვანაირად

დაივიწყეთ შაქრის შემცველი გაზიანი სასმელები. ეს პრობლემა განსაკუთრებით თინეიჯერებს ეხებათ. ისინი პატარა ბავშვებთან შედარებით ორჯერ უფრო მეტ შაქრიან სასმელებს მოიხმარენ, ხოლო შაქრიანი სასმელები შაქრის ძირითადი წყაროა (22%).

რეკომენდირებულია შევზღუდოთ უშაქრო ხილის ან ბოსტნეულის წვენი ან სმუზი 150 მლ-მდე დღეში და  მივიღოთ წყალი ან რძე.

გაზიანი სასმელების მიღების ნაცვლად, სცადეთ ცქრიალა წყალი ხილით ან ბოსტნეულით, როგორიცაა ციტრუსი, კენკრა, კიტრი, პიტნა, რეჰანი ან როზმარინი.

Read more →

აღმოაჩინე შენთვის საჭირო ვიტამინები

ვიტამინები სასიცოცხლოდ მნიშვნელოვანია ორგანიზმისთვის, ორგანიზმი მათ გარეშე ვერ ფუნქციონირებს სწორად.

ყველა ვიტამინს ორგანიზმი ვერ გამოიმუშავებს, ამიტომ ისინი უნდა მივიღოთ საკვების  საშუალებით.

თუმცა საუკეთესო, დაბალანსებული დიეტითაც კი, ყოველთვის არ არის შესაძლებელი ჩვენი სხეულის საუკეთესო ფუნქციონირებისთვის საჭირო ვიტამინების საკმარისი მიღება.

რატომ იღებენ ადამიანები ვიტამინებს?

მილიონობით ადამიანი მთელს მსოფლიოში იღებს ვიტამინებს, რათა შეავსოს მათი დონე და ხელი შეუწყოს ოპტიმალურ ჯანმრთელობას.

მნიშვნელოვანია გვახსოვდეს, რომ არ არსებობს დაბალანსებული დიეტის ჩანაცვლება, რომელიც მოიცავს მრავალფეროვან ხილს, ბოსტნეულს, პარკოსნებს, ჯანსაღ ცხიმებს და მარცვლეულს. სინამდვილეში, სიტყვა "დამატება" ნიშნავს დამატებას და გაძლიერებას და არა ჩანაცვლებას.

თქვენ ყველაზე კარგად იცნობთ თქვენს სხეულს, ამიტომ ყურადღება მიაქციეთ იმ ნიშნებს, რომლებიც შეიძლბა მიუთითებდეს რომელიმე ვიტამინის ნაკლებობაზე.

გამოფიტული, მშრალი თმა, კანი და ფრჩხილები.

თმა, კანი და ფრჩხილები საერთო ჯანმრთელობის კარგი მაჩვენებელია. კანის, თმისა და ფრჩხილებისთვის საუკეთესო ვიტამინებია:

  • B ჯგუფის ვიტამინები - B ჯგუფის ვიტამინები თმის ზრდისთვის ყველაზე ცნობილ ვიტამინებს შორისაა და ხელს უწყობს ნორმალური თმისა და კანის შენარჩუნებას. რიბოფლავინი (ასევე ცნობილია როგორც ვიტამინი B2), ბიოტინი (ვიტამინი B7), ფოლიუმის მჟავა (ვიტამინი B9) და ვიტამინი B12 არის რეკომენდებული ვიტამინები თმის ცვენის დროს.
  • ვიტამინი A – A ვიტამინის ორივე ტიპი (რეტინოიდები და კაროტინოიდები) ღვიძლის მიერ რეტინოლად გარდაიქმნება. რეტინოლი ხელს უწყობს ნორმალური კანის შენარჩუნებას და ზრდის მის სიმკვრივეს.
  • ვიტამინი C - აუცილებელია კოლაგენის წარმოებისთვის, რომელიც უხვად გვხვდება ჩვენს თმაში, კანში, ფრჩხილებში.
  • სელენი არის ანტიოქსიდანტი, რომელიც ეხმარება ორგანიზმის უჯრედების დაცვას თავისუფალი რადიკალებისგან და ოქსიდაციური სტრესისგან, რამაც შეიძლება გამოიწვიოს სუსტი, გამოფიტული და უსიცოცხლო თმა, კანი და ფრჩხილები. ზოგიერთი ადამიანი იღებს სელენს, როგორც მულტივიტამინის კომპლექსის ნაწილს სხვა ვიტამინებთან ერთად, ასევე ბიოტინთან და თუთიასთან ერთად ნორმალური თმის შენარჩუნების მიზნით.

ამინდის გავლენის ქვეშ ხართ?

ეს შეიძლება იყოს დასუსტებული იმუნური სისტემის ნიშანი. იმუნური სისტემის ფუნქციონირებისთვის საუკეთესო დანამატებია:

  • ვიტამინი C- ხელს უწყობს თქვენს იმუნიტეტს და იცავს ოქსიდაციური სტრესისგან.
  • D ვიტამინი - ასევე კარგად არის ცნობილი, რომ მხარს უჭერს იმუნური სისტემის ნორმალურ ფუნქციონირებას, მისი დეფიციტი კი თქვენ სხეულს დაუცველს ხდის.
  • კალციუმი არის აუცილებელი მინერალი, რომელსაც მნიშვნელოვანი როლი აქვს იმუნიტეტში. "საწყისი გამომწვევი ჩვენი იმუნური პასუხის შეხორცებაზე", თუ აღმოაჩენთ, რომ თქვენი კანი ნელა ხორცდება, შეიძლება დაგჭირდეთ მეტი კალციუმი.

განიცდით აუხსნელ დაღლილობას?

  • რკინა - არსებობს შანსი, რომ ამ არსებითი მინერალის ნაკლებობა გქონდეთ. რკინადეფიციტური ანემიის რისკები იზრდება თუ ვეგანი, ვეგეტარიანელი, ორსული ან მენსტრუაციის მქონე ხართ. რკინა შედის ფერმენტების შემადგენლობაში კომპლექსის სახით, რომელსაც უწოდებენ ჰემს. კერძოდ კი, ეს კომპლექსი არის ჰემოგლობინის შემადგენლობაში — უმნიშვნელოვანეს ცილაში, რომელიც უზრუნველყოფს ჟანგბადის ტრანსპორტირებას სისხლიდან ორგანიზმის ყველა ორგანომდე. და სწორედ ის აძლევს სისხლს დამახასიათებელ წითელ ფერს.
  • ვიტამინი B12 - ენერგიის ნაკლებობა ვიტამინის B12 დეფიციტის ერთ-ერთი პირველი ნიშანია. მიუხედავად იმისა, რომ იშვიათია ჯანმრთელ ახალგაზრდებში, ეს საკმაოდ ხშირია ხანდაზმულებში, რაც გვხვდება 10-დან 1 შემთხვევაში 75 წლის ან უფროსი ასაკის ადამიანზე. ვეგანებმა ასევე უნდა განიხილონ B12 დანამატი, თუ ისინი ენერგიის მომატებას ცდილობენ.

წონის კლება გიჭირთ?

მიუხედავად იმისა, რომ წონის დაკლება არც ისე მარტივია, როგორც ვიტამინების მიღება, არსებობს ვიტამინები და მინერალები, რომლებიც დაგეხმარებათ ამ პრობლემის მოგვარებაში.

  • ვიტამინი D არის ალბათ ერთ-ერთი საუკეთესო ვიტამინი წონის დაკლებისთვის. D ვიტამინის დეფიციტს აქვს არასასურველი წონის მომატება, როგორც გვერდითი ეფექტი.
  • კალციუმი, ისევე როგორც სასიცოცხლო მნიშვნელობისაა ჯანსაღი ძვლებისთვის, კვლევებმა აჩვენა, რომ D ვიტამინთან ერთად მიღებული კალციუმი ხელს უწყობს მეტაბოლიზმის სტაბილურობას და სისხლში შაქრის კონტროლს, რაც იწვევს წონის დაკლებას დიეტის დროს.

Read more →

ჰოლისტური მიდგომები სრულყოფილი კანის მისაღებად

სარკეში ჩახედვისას გლუვი, ერთგვაროვანი, ჯანსაღი და უბრალოდ სრულყოფილი კანის დანახვა არის ის რაზეც ყველა ვოცნებობთ, მაგრამ არა ის რაც ყველას გვაქვს.

ამის მისაღწევად ჯადოსნური ჯოხი არ გჭირდება, შესაძლებლობები თქვენს ხელშია.

გაინტერესებს, როგორია ჰოლისტური მიდგომები სრულყოფილი კანის მისაღებად?

ჯანსაღი კვება, მოწესრიგებული ძილის რეჟიმი და ფიზიკური აქტივობა.

,,ადამიანი არის ის, რასაც ჭამს“ და გჯერა თუ არა, ეს თითქმის ასეა უმეტესი ჩვენთაგანისთვის. დიახ საკვები რომელსაც ჩვენ ვღებულობთ ზეგავლენას ახდენს კანზე, ჩვენი სხეულის უდიდეს ორგანოზე.

როგორ უნდა იკვებო, რომ იდეალური კანი გქონდეს?

1. საკვებ რაციონში ჩართე მწვანე და ნარინჯისფერი ხილი და ბოსტნეული.

2. მიიღე კალციუმით მდიდარი საკვები: უცხიმო ან ნაკლებად ცხიმიანი რძის პროდუქტები.

3. ასევე მნიშვნელოვანია უცხიმო ან ნაკლებდ ცხიმიანი საქონლის ან ფრინველის ხორცის და ზღის პროდუქტების მიღება.

ჯანსაღი და დაბალანსებული დიეტა ნიშნავს, რომ თქვენი სხეული და კანი იღებენ წვდომას მთელ რიგ ვიტამინებზე და მინერალებზე , რომლებიც აუცილებელია კანის ჯანმრთელობისთვის.

1. ვიტამინები C და E

C და E ვიტამინები ანტიოქსიდანტური მოქმედებით ხელს უშლიან კანის დაბერებას, იცავენ კანს მზის მავნე ულტრაიისფერი სხივებისგან და ამცირებენ მავნე თავისუფალი რადიკალების ზემოქმედებას.

2. ბიოტინი

ბიოტინი პასუხისმგებელია კანის, თმისა და ფრჩხილის უჯრედების ფორმირებაზე.  B7 ვიტამინის დეფიციტზე მიანიშნებს წითელი, ქერცლით დაფარული გამონაყარი. ბიოტინი ასევე გადამწყვეტ როლს ასრულებს ცხიმების მეტაბოლიზმში, რაც აუცილებელია ჯანსაღი კანის შენარჩუნებისთვის.

3. ვიტამინი A

ვიტამინი A გვხვდება უამრავ ხილსა და ბოსტნეულში და მნიშვენლოვანია ნაოჭების და ნამზეურის შედეგად წარმოქმნილი პიგმენტური ლაქების შემცირებაში. ზრდის კანის კოლაგენის გამომუშავებას, ებრძვის ულტრაიისფერი გამოსხივებით დაზიანებას და ხელს უწყობს კანის ტონს.

4. თუთია

თუთია მუშაობს სხვა ვიტამინებთან და მინერალებთან ერთად კანის დაზიანებების აღმოსაფხვრელად. პერორალურად გამოყენებისას მას შეუძლია შეამციროს კანის დაბერების ადრეული ნიშნები (ხაზები, ნაოჭები, ლაქები და ა.შ.) ადგილობრივად გამოყენებისას იცავს კანს და ეხმარება ჭრილობების შეხორცებასა და კანის რეგენერაციაში.

5. სელენი

სელენი არის გასაღები ჩვენი კანის დაცვაში ოქსიდაციური დაზიანებისგან.

რომელია ჩვენი კანისთვის სასარგებლო საკვები?

კბილი კარტოფილი

• სტაფილო

• წიწაკა

• რძე A ვიტამინით გამდიდრებული

• კვერცხი

• ორაგული, სკუმბრია და სხვა ცხიმიანი თევზი

• თხილი

• ავოკადო

Პომიდორი

• კენკრა

• ლობიო, ბარდა და ოსპი

მოერიდეთ: გადამუშავებულ საკვებს, რაფინირებულ შაქარს და სხვა მარტივ ნახშირწყლებს და არაჯანსაღ ცხიმებს, რომლებიც მინიმალურ ან ნულოვან სარგებლობას ანიჭებენ კანს და ძალიან ცოტას აკეთებენ თქვენი ჯანმრთელობისთვისაც.

დალიეთ  სუფთა წყალი ყოველდღე. დეჰიდრატაცია იწვევს კანის ელასტიურობის დაქვეითებას.

იძინე ჯანსაღი კანისთვის.

ჩვენ ყველას გვჭირდება ძილი, რათა დაისვენოთ და განვიტვირთოთ დღის მოვლენებისგან. ძილის დროს არ ხდება ულტრაიისფერი სხივების ზემოქმედება, კუნთების მოძრაობა, რაც აძლევს კანს სათანადო შესაძლებლობას დაისვენოს  შეფერხების გარეშე.

ღამით ჩვენი კანი გადადის აღდგენის რეჟიმში. ხდება უჯრედებს რეგენერაცია. სწორედ ამიტომ, როდესაც კარგად გვეძინავს, ჩვენი კანი უკეთესად გამოიყურება.

აქვე გაგიზიარებთ რჩევებს ღამის ძილისთვის

1. დაიძინე ერთსა და იმავე დროს

რეგულარული ძილის საათების დაცვა ხელს უწყობს ტვინის და სხეულის შინაგანი საათის დაპროგრამებას, რათა შეეგუოს დადგენილ რუტინას. შეეცადეთ გაიღვიძოთ ყოველდღე ერთსა და იმავე დროს. მიუხედავად იმისა, რომ შეიძლება კარგი იდეა ჩანდეს ცუდი ღამის შემდეგ გამოძინების მცდელობა, მაგრამ ამან შეიძლება დაარღვიოს თქვენი ძილის რუტინა.

2. დარწმუნდით, რომ საკმარისად დიდხანს გძინავთ

ზრდასრულთა უმეტესობას ყოველ ღამე სჭირდება 6-დან 9 საათამდე ძილი. საუკეთესო გზა იმისთვის, რომ დარწმუნდეთ, რომ აკმაყოფილებთ ამ კვოტას, არის იმის დადგენა, თუ რა დრო გჭირდებათ გასაღვიძებლად, ეს დაგეხმარებათ ძილის რეგულარული რუტინის შექმნაში.

3. შექმენით კომფორტული საძილე სივრცე

გახადეთ თქვენი საძინებელი რაც შეიძლება დასასვენებლად განკუთვნილი. გაასუფთავეთ ის ტელევიზორის, ტაბლეტის და კაშკაშა განათებისგან. მნიშვნელოვანია სწორი ტემპერატურა - დაახლოებით 18C დან 24C მდე. ზედმეტად დაბალმა ან მაღალმა ტემპერატურამ შეიძლება ხელი შეუშალოს დაძინებას ან გამოღვიძებას.

 

ვარჯიშმა შეიძლება დაგვტოვოს ოფლიანობის შეგრძნება, გარდა იმისა, რომ ვინარჩუნებთ ფორმას და ჯანმრთელობას და აჩქარებს გულისცემას, მას ასევე შეუძლია გააუმჯობესოს ჩვენი კანი.

როდესაც ჩვენი გულისცემა მატულობს, ჩვენი სისხლძარღვები ფართოვდება და უფრო მეტ სისხლს ტუმბავს ჩვენს სხეულში. ეს აუმჯობესებს ჟანგბადის და საკვები ნივთიერებების მიმოქცევას მთელს სხეულში, მათ შორის ჩვენს კანში.

კვლევებმა აჩვენა, რომ ვარჯიში ცვლის ჩვენს კანში არსებული კოლაგენის რაოდენობას. არააქტიური მოხუცები ჩართეს ველოსიპედის სამთვიან პროგრამაში, შედეგი მართლაც შტამბეჭდავი აღმოჩნდა, მოიმატა კოლაგენის დონემ.

1. წაისვით მზისგან დამცავი საშუალება

განსაკუთრებით თუ ვარჯიშობთ გარეთ . დროთა განმავლობაში, ულტრაიისფერმა სხივებმაშეიძლება გამოიწვიოს კანის დაზიანება და დაბერება. უფრო მეტიც, თუ თქვენ ნამდვილად ოფლიანდებით, ატარეთ წყალგაუმტარი ან ოფლისადმი მდგრადი მზისგან დამცავი საშუალება, რათა დარწმუნდეთ, რომ თქვენი კანი დაცული იქნება, რაც არ უნდა გაოფლიანდეთ.

2. მოერიდეთ ვარჯიშის წინ მძიმე დამატენიანებელი კრემის გამოყენებას

რადგან ასეთი კრემი ქმნის ბარიერს,  ხურავს ფორებს და ხელს უშლის ოფლის აორთქლებას.

3. დაიბანეთ სახე ვარჯიშის შემდეგ

დაიბანეთ სახე ვარჯიშის შემდეგ, რათა თავიდან აიცილოთ კანი ოფლით დაბინძურება. გამოიყენეთ ნაზი ან რბილი გამწმენდი ან სახის ხელსახოცი თუ გეჩქარობთ. დაიტენიანეთ მსუბუქი დამატენიანებელის თხელი ფენით, რათა დაეხმაროთ თქვენს კანს ჰიდრატაციაში.

ცვლილებების დროა, გაითვალისწინე ჰოლისტური რჩევები თქვენი კანის ჯანმრთელობისათვის: იკვებე ჯანსაღად, იძინე ჯანსაღად და ივარჯიშე.

 

პროდუქციის სანახავად დააჭირეთ  სახელწოდებას

ვიტამინი C

Holland & Barrett ვიტამინ E კომპლექსი 1000 მკგ, 100 კაფსულა

OLEUS ვიტამინი E ზეთი 50 მლ

Holland & Barrett ბიოტინი 300 მკგ, 100 ტაბლეტი

Vitaskin A ვიტამინის გამაახალგაზრდავებელი ნიღაბი, 30 მლ

Vitaskin ვიტამინი A სახის ღამის შრატი 15ml

Holland & Barrett სელენი და თუთია, 90 აბი

Holland & Barrett ჰელატური ფორმის 15 მგ თუთიის მყარი ტაბლეტები სპილენძის შემცველობით, 60 ტაბლეტი

Read more →

გასახდომი მაკარონი, ატრია და ბრინჯი

Slim სპექტრი  მოიცავს: გასახდომ  მაკარონს, ატრიასბრინჯს  და მზადდება  კონჯაკის წყალში ხსნადი მცენარეული ბოჭკოვანის ფქვილისგან  და  ორგანული შვრიის ბოჭკოვანისგან (Juroat ™).

რა არის  კონჯაკი?

კონჯაკი მცენარეა, რომელიც აზიაში იზრდება. კონჯაკის ბოლქვისგან მზადდება კონჯაკის  ფქვილი. იაპონიაში მრავალი წელია კონჯაკის  ატრია არის  ძირითადი საკვები.

რა განსხვავებაა  გასახდომ  ჩვეულებრივ  და  Holland&barrett-ის მიერ შემოთავაზებულ კონჯაკის პროდუქციას შორის?

ტრადიციული  კონჯაკის ატრია, მაკარონი და ბრინჯი გამჭირვალეა (როგორც მინის ატრია) და  აქვს რეზინის  ტექსტურა. მწარმოებელმა შეიმუშავეს უნიკალური რეცეპტი, გამოყენეს  ნაზავი ორგანული  კონჯაკის ფქვილის და ორგანული შვრიის ბოჭკოვანის, მისცეს გაუმჭირვალე  და  მაკარონის, ატრიას  და ბრინჯის ტექსტურა .

რატომ  უნდა გამოიყენოთ  Eat Water-ის გასახდომი პროდუქცია?

კონჯაკს მომხმარებლები ათასობით წელია აზიაში იყენებენ როგორც სასწაულ წონის კლების საშუალებად. გასახდომი პროდუქცია არ არის მხოლოდ საკვები, ის დაგეხმარებათ ნაყროვანებაში და გახდომაში. მათი ბოჭკოვანი ხელს უწყობს მონელებას და მისაღებია ისეთი დაავადებების დროს როგორიცაა ცელიაკი და დიაბეტი.

Slim საკვები არის დაბალი ნახშირწყლების შემცველობის, უშაქრო და გლუტენისგან თავისუფალი. ისინი შექმნილია  100% გმო თავისუფალი კონჯაკის  ფქვილის და შვრიის ბოჭკოვანისგან (Juroat ™). როგორც ასეთი, ისინი შეიძლება უსაფრთხოდ იყოს  ჩართული რიგი დიეტის დროს, მათ შორის, ვეგეტარიანულ, ვეგანურ, გასახდომ, უშაქრო და ცელიაკის  დიეტის დროს.

ჩვეულებრივი მაკარონი, ატრია და ბრინჯი შეიცავს საშუალოდ 352გრ კალორიას, 71.6 გრ  ნახშირწყლებს 100 გრამზე .  Slim სპექტრი შეიცავს 9 კალორიას და 0 გრ  ნახშირწყლებს 100 გ-ზე. როდესაც თქვენ ამატებთ  საწებელს  და სხვა ინგრედიენტებს  Slim მაკარონს, ატრიას  ან ბრინჯს, თქვენი გონება და სხეული მიიჩნევს, რომ  ღებულობთ  ჩვეულებრივ მაკარონს, ატრიას  და ბრინჯს, რომელიც შეიცავს 352გრ  კალორიას 71.6 გრ ნახშირწყლებს 100 გ-ზე, როდესაც ფაქტობრივად ეს ასე არ არის.  Slim სპექტრი გეხმარებათ  დანაყრებაში, რადგან  არის  ბოჭკოვანის კარგი წყარო.

რა განსხვავებაა ჩვეულებრივ მაკარონს და გასახდომ მაკარონს შორის, რა არის უპირატესობა?

გასახდომი მაკარონი, ატრია და ბრინჯი არის ალტერნატივა ჩვეულებრივი მაკარონის, ატრიის და ბრინჯის, რომელიც ჩვეულებრივ მზადდება ხორბლის ფქვილისგან და გასახდომი პროდუქცია მზადდება კონჯაკის ფქვილისგან. შესაბამისად არის დაბალკალორიულია მხოლოდ 9 კალორია, 0 ნახშირწყალი, 0 შაქარი და არის არაჩვეულებრივი ვისაც სურს შიმშილის გარეშე დაიკლოს წონაში.

როგორ გამოვიყენოთ?

გადაუწურეთ წყალი, მოათავსეთ გამდინარე წყლის ქვეშ, შეათბეთ ტაფაზე ამ მიკროტალღურ ღუმელში, არ საჭიროებს ადუღებას, მოასხით ზევიდან საწებელი ან მიირთვით სალათთან ერთად.

რატომ აქვს მას უცნაური სუნი გახსნისას?

გასახდომი პროდუქცია ინახება წყალში, რომელსაც დამატებული აქვს  რამოდენიმე წვეთი კალციუმის ჰიდროქსიდი, ეს სუნი ადვილად გადის 2-3 ჯერ ცივი წყლის გადავლებით.

რამდენი უნდა მივირთვათ?

გასახდომი პროდუქცია ძალინ ანაყრებს ამიტომ დაიწყეთ მცირე ულუფით და დანარჩენი გამოიყენეთ შემდეგ კვებაზე. ვინაიდან ის ბოჭკოვანის კარგი წყაროა არ არის საჭირო მივირთვათ იმდენივე რაოდენობით, როგორც ჩვეულებრივი მაკარონი.

შეიძლება თუ არა გასახდომი პროდუქცია შერეული იქნას სხვა კულინარიულ რეცეპტებში?

როგორც წესი ის გამოიყენება საკვებად შემთბარი ფორმით, მაგრამ თქვენ შეგიძლით ჩვეულებრივ რეცეპტებში ჩაანაცვლოთ მაკარონი, ატრია ან ბრინჯი გასახვომი პროდუქციით.

ვისთვის არის რეკომენდირებული გასახდომი პროდუქცია?

ყველასთვის თუ არ აღენიშნება ალერგიული რეაქცია კონჯაკის ფქვილზე. მისაღებია დიაბეტის მქონე პირებისთვის ვინაიდან  100 გრამზე შეიცავს 0 ნახშირწყალს და შაქარს. გლუტენის არ შემცველობის გამო ის განკუთვნილია და რეკომენდირებულია ცელიაკით დაავადებულებისთვის.

გახდომის შედეგის გასაუმჯობესებლად გამოიყენეთ:

ქრომი  -  ტკბილზე გუნებაობის შესამცირებლად

მწვანე ჩაი - ეხმარება ცხიმის მეტაბოლიზმის

მრავალძარღვა - ეხმარება  მადის აღკვეთას

ლეციტინი - ხელს უწყობს ცხიმების ტრანსპორტირებას და არა ჩალაგებას.

ჟოლო კეტონები - თერმოგენული ეფექტით ზრდის ორგანიზმის მეტაბოლიზმს და ამცირებს  ცხიმების  შენახვას.

CLA - ის მუშაობს როგორც "გადამანაწილებელი ", საკვებიდან კალორიებს ანაწილებს კუნთებში და ამავ დროულად ეხმარება  ცხიმების წვას.

აფრიკული მანგო  - შეიძლება დაეხმაროს  მადის დაქვეითებაში  და თერმოგენული ეფექტის განხორციელებაში.

დიეტა და ცხოვრების წესი.

წყალი - წყალი სასიცოცხლო კომპონენტია, წონის კლების დროს აუცილებელია მინიმუმ 1.5 ლ წყლის მიღება ადექვატური ჰიდრატაციისთვის და სხეულის ნორმალური ფუნქციონირებისთვის.

რეგულარულად ივარჯიშეთ - კვირაში 2 დღე წონის საკორექციო ვარჯიშები, 75 წუთი ენერგიული აერობიკა  ან 150 წუთი ზომიერი აერობიკა.

ჭამე ხილი და ბისტნეული - 5  ულუფა  ხილისა და ბოსტნეულის არის მინიმალური მოთხოვნა რათა მოვაწოდოთ ორგანიზმს  ვიტამინებისა და მინერალების საჭირო რაოდენობა.

საკვები ულუფები - რეგულარული, მცირე  ულუფები, თანაბრად  მთელი დღის განმავლობაში  შეამცირებს შიმშილის გრძნობას  და ხელს შეუწყობს ნორმალურ მეტაბოლიზმს.

Read more →

მანუკას თაფლი

ჩვეულებრივი თაფლის მსგავსად, მანუკას თაფლიც მიიღება ყვავილის ნექტარიდან, თუმცა ამ შემთხვევაში, მანუკას ყვავილიდან მიღებული ნექტარი გაცილებით ძლიერი ანტიოქსიდანტური და ანტიბაქტერიული თვისებებით განირჩევა სხვა სახის თაფლისგან.
ყველა სახის თაფლი შეიცავს გარკვეული დონის ბუნებრივ ანტიბაქტერიულ ნივთიერებას, .. წყალბადის ზეჟანგს (ხშირად მოიხსენიება როგორც უბრალოდ "პეროქსიდი"). თუმცა, მანუკას თაფლი ასევე შეიცავს სპეციალურ ნივთიერებას, რომელიც უზრუნველყოფს დამატებით ანტიბაქტერიულ მოქმედებას

 

 სპეციფიკური ყვავილი რომლის ნექტარიდანაც არის შეგროვებული მანუკას თაფლი, განსაზღვრავს მის:

                                ფერს, გემოს, არომატსა და ტექსტურას

ახალი ზელანდიის მთავრობის ბოლო დროინდელი დადგენილებით ყველა ექსპორტირებულ მანუკას თაფლზე უნდა იყოს შესაბამისი წარწერა, რაც შესაძლებელს გახდის მარტივად დადგინდეს მისი ნამდვილობა.

რა ეტაპს გადის მანუკას თაფლი სანამ ის ჩვენამდე მოაღწევს?

მანუკას თაფლი იმისათვის, რომ მისი წარმომავლობა და ხარისხი დამტკიცდეს რამდენიმე, მაღალი დონის ტესტირებას გადის:

  • ძირითადი ქიმიური ნივთიერებების შემოწმება
  • აქტიური ინგრედიენტების დამოწმება, რომელიც მხოლოდ მანუკას თაფლის შემადგენლობაში შედის
  • დნმ-ის დადგენა, რომელიც ასევე, მხოლოდ მანუკას ნექტარისთვისაა დამახასიეთებელი

გამომდინარე იქიდან რომ ფუტკრები ზოგიერთ შემთხვევაში მანუკას გარდა სხვა მცენარეებისგანაც იღებენ ნექტარს, ერთმანეთისგან განასხვავებენმონოფლორალდამულტიფლორალ თაფლს

მულტიფლორალი მცენარეთა უფრო ფართო ასორტიმენტიდან მიიღება, ხოლო მონოფლორალი  შეიცავს მანუკას ყვავილის უფრო მაღალ კონცენტრაციას.

მანუკას თაფლის პოტენციის გაზომვა ხდება MGO ეტიკეტით, რომელიც განსაზღვრავს მის ანტიოქსიდანტურ და ანტიბაქტერიულ მოქმედებას, რაც უფრო მაღალია MGO, მით უფრო ძლიერია მისი მოქმედება ჯანმრთელობის შესანარჩუნებლად და გასაძლიერებლად.

მანუკას თაფლი სხვადასხვა დანიშნულებით შეგიძლიათ გამოიყენოთ:

იმუნური სისტემის გაძლიერება - რაც გულისხმობს ორგანიზმის ზოგად სიძლიერეს ვირუსებთან და სხვადასხვა დაავადებებთან ბრძოლისას.

ოქსიდაციურ სტრესთან გამკლავება - თავისუფალი რადიკალების შემცირება ორგანიზმში

ანტიბაქტერიული დანიშნულება - ყველასთვის ცნობილია, რომ ნატურალური თაფლი წლობით ინარჩუნებს კვებით თუ სამკურნალო თვისებებს, არ ობდება და არ ლპება. ეს თავისებურებანი ოდითგან ამყარებდა იმ აზრს, რომ მანუკას თაფლი მდიდარია ანტიმიკრობული ნივთიერებებით. სწორედ ამიტომ ფუტკრის ეს ძვირფასი პროდუქტი უძველესი დროიდან გამოიყენება ჩირქოვანი (ინფიცირებული) ჭრილობების სამკურნალოდ. დღეს უკვე ცალკეული მეცნიერული გამოკვლევებით დადგენილია თაფლის როგორც ბაქტერიოსტატიკური, ასევე ბაქტერიოციდული მოქმედება. მანუკას თაფლის ანტიმიკრობული მოქმედება მიმართულია გრამდადებითი კოკების (სტაფილოკოკები, სტრეპტოკოკები), ბაქტერიების (დიფტერიული მიკრობი) და ბაცილების წინააღმდეგ.

ორგანიზმის ენერგიით დამუხტვა - მანუკას თაფლის 75-80% – შეადგენს ნახშირწყლებიგლუკოზა (31%), ფრუქტოზა (38%) და საქაროზა (1%). მათი დაშლისას გამოიყოფა ენერგია, რომელიც აუცილებელია ადამიანის ორგანიზმის სასიცოცხლო პროცესებისათვის

კუჭ-ნაწლავის ჯანმრთელობა - ნახშირწყლების გარდა, მანუკას თაფლის შემადგენლობაშია ფერმენტები: ინვერტაზა, დიასტაზა, კატალაზა და სხვ. ამ ბიოლოგიურად აქტიური ნივთიერებების ძალზედ მცირე რაოდენობა მნიშვნელოვნად აჩქარებს ორგანიზმში მიმდინარე მეტაბოლურ პროცესებს. თაფლის ფერმენტები აუმჯობესებენ საჭმლის მონელებას, კუჭის წვენის სეკრეციას, საკვები ნივთიერებების ათვისებას.

ნერვული სისტემის მოწესრიგება - მინერალური ნივთიერებები, რომლებიც მანუკას თაფლში მარილების სახითაა წარმოდგენილი, ძალზედ დიდ ბიოლოგიურ როლს თამაშობენ, რადგან მათი ფერმენტებთან, ვიტამინებთან და ჰორმონებთან ურთიერთობით მიმდინარეობს ნერვული სისტემის ფუნქციონირების, ქსოვილოვანი სუნთქვისა და სისხლის წარმოქმნის პროცესები.თაფლში არის კალციუმის, მაგნიუმის, რკინისა და ფოსფორის მარილები. აღსანიშნავია, რომ თაფლში გვხვდება ყველა ის ელემენტი, რომელიც შედის ადამიანის სისხლის შემადგენლობაში.

ჰემოგლობინის ნაკლებობა - მანუკას თაფლის მიღება ხელს უწყობს ჰემოგლობენის მომატებას, ამიტომ განსაკუთრებით სასარგებლოა ანემიების, გულ-სისხლძარღვთა სისტემის დაავადებებისა და ავადმყოფობის შედეგად ორგანიზმის დასუსტებისას.

 

 

მანუკას თაფლის მიღება მნიშვნელოვანია სპორტსმენებისთვისაც,

რადგან იგი ერთი-ორად ამაღლებს შრომისუნარიანობას და ენერგიის გამომუშავებას.

Read more →

7 ყველაზე პოპულარული ეთერზეთი

ეთერზეთების  გამოყენება ჩვენს წელთ აღრიცხვამდე 18000 წლით თარიღდება. დღეს ეთერზეთები უფრო პოპულარულია ვიდრე ოდესმე, რადგან უფრო და უფრო მეტი ადამიანი ეძებს ბუნებრივ გადაწყვეტილებებს ყველაფრის მოსაგვარებლად, დაწყებული ნერვული სისტემით, კანის პრობლემებით დამთავრებული.

არსებობს 90-ზე მეტი სხვადასხვა ტიპის ეთერზეთი, მაგრამ მოდით გავიგოთ, რომელია  ტოპ შვიდეული.

თუმცა მათ გაცნობამდე აღსანიშნავია, რომ ტოპ 7-ის უმეტესობას აქვს დამამშვიდებელი ან განწყობის ასამაღლებელი თვისებები. გასაკვირი არც არის, რადგან გამოკითხული მოსახლეობის ყოველი მეექვსე ზრდასრული ადამიანი განიცდის  შფოთვას და დეპრესიას, სწორედ ამიტომ ბუნებრივ სამკურნალო საშუალებაზე მოთხოვნა დღეს უფრო მაღალია ვიდრე არასდროს.

 

ლავანდა

ტოპ შვიდეეულის გამორჩეული წევრია ლავანდას ეთერზეთი, რომლის გამოყენება მინიმუმ შუა საუკუნეებიდან იწყება და სუნამოებისა და სხვადასხვა თავის მოვლის საშუალებების ერთერთი მთავარი ინგრედიენტია.

 რისთვის არის კარგი?


დამამშვიდებელი თვისებებით ცნობილი ლავანდას ეთერზეთი ამცირებს შფოთვის განცდას, ხსნის სტრესს და აუმჯობესებს ძილს.

როგორ?

ლავანდას ეთერზეთს ხშირად იყენებენ მასაჟისთვის. განაზავეთ იგი საბაზისო ზეთში, როგორიცაა ნუშის და ჟოჟობას ზეთები და ისიამოვნეთ, დაღლილობისა და დაძაბულობის შეგრძნება უმალვე გაქრება .


თანამედროვე ცხოვრების სტილის გათვალისწინებით გასაკვირი არ არის, რომ თითქმის ყოველ ჩვენგანს აწუხებს ძილთან დაკავშირებული პრობლემები და ხშირად ვეძებთ ამის ბუნებრივი გზით გამოსწორებას, რამდენიმე კვლევის შედეგად დადგინდა, რომ ლავანდის ზეთის ინჰალაციამ ძილის წინ შეიძლება გააუმჯობესოს ძილის ხარისხი.

პიტნა

ტოპ შვიდეულის შემდეგი წევრი სასიამოვნო და ინტენსიური სურნელის პიტნის ეთერზეთია.


გამამხნევებელ პიტნის ზეთს მრავალი ადამიანი იყენებს დაღლილობის მოსახსნელ საშუალებად. სულ რამდენიმე წვეთის დატანა ბამბის დისკზე სრულიად საკმარისია სარელაქსაციოდ.

კიდევ რისთვის არის კარგი?

თუ სავარჯიშო დარბაზში სტუმრობის შემდეგ დაღლილობას, ტკივილსა და დაჭიმუულობას განიცდით თქვენთვის პიტნის ეთერზეთი საუკეთესო გამოსავალი იქნება.

რამოდენიმე წვეთი პიტნის ზეთი განაზავეთ საბაზისო ზეთში და მსუბუქი მასაჟით შეიზილეთ კანში.

ლიმონი

ლიმონის ეთერზეთი გამოირჩევა გამაგრილებელი, სასიამოვნო სურნელით.

მისი გამოყენება კანის ისეთი პრობლემების დროს ხდება, როგორიცაა აკნეს , რადგან ეფექტურად ებრძვის ბაქტერიების გამრავლებას.

მისი განზავება ისევე როგორც ყველა ეთერზეთის რეკომენდირებულია სხვა საბაზისო ზეთებში, თუმცა მისი შერწყმა როზმარინის ეთერზეთთან ნამდვილად სასიამოვნო სურპრიზი იქნება თქვენთვის.

ციტრუსის შემცველმა ზეთებმა შესაძლოა გაზარდოს მგრძნობელობა მზის სხივების მიმართ, ამიტომ რეკომენდირებულია მისი გამოყენება მზისგან დამცავებთან ერთად.

ლიმონის ეთერზეთი გარდა კანის პრობლემებისა გამოიყენება ორსულებში გულისრევისა და მასთან დაკავშირებული დისკომფორტის შესამსუბუქებლად.

ილანგ-ილანგი

ილანგ-ილანგი სურნელოვანი ყვავილია, რომელიც გავრცელებულია აზიისა და ავსტრალიის კონტინენტებიდან.

მისი პოპულარულობა სულ უფრო და უფრო იზრდება, მას ხშირად იყენებენ სუნამოებსა და სხვადასხვა თავის მოვლის საშუალებებში.

აქვს დამამშვიდებელი, შფოთვის საწინააღმდეგო მოქმედება, ხელს უწყობს არტერიული წნევისა და პულსაციის შემცირებას.

საკმეველი

უძველესი ცივილიზაციების დროინდელი ეთერზეთი დღესაც პოპულარულია, მას ადამიანები აქტიურად იყენებენ, როგორც დამამშვიდებელ საშუალებას, გარდა ამისა საკმეველს დადებითი ეფექტი აქვს სასუნთქი გზების პრობლემების დროს, თუ მას აბაზანაში, ინჰალაციის დროს ან თუნდაც მასაჟის დროს გამოიყენებთ, ნამდვილად დარწმუნდებით მის შესაძლებლობებში.

ნეროლი

ნეროლის ეთერზეთი მსგავსია ფორთოხლის ყვავილისა, რომელსაც აქვს კანის გამაჯანსაღებელი, მკვებავი და ელასტიურობის მიმნიჭებელი ფუნქცია, ნეროლის ეთერზეთი ასევე გამოიყენება თმის ზრდისთვის და მისი სიჯანსაღისთვის.

ისევე როგორც ყველა ზევით ჩამოთვლილ ეთერზეთებს, ნეროლსაც აქვს დამამშვიდებელი, სტრესის საწინააღმდეგო მოქმედება. გამოკვლევებმა აჩვენა რომ ნეროლის ეთერზეთს შეუძლია კორტიზოლის, სტრესის გამომწვევი ჰორმონის შემცირება.

ბერგამოტი

ერთერთი პოპულარული და აქტიურად გამოყენებადი ეთერზეთია, რომელიც გამოირჩევა სასიამოვნო, გამაგრილებელი და მაცოცხლებელი სურნელით.

ბერგამოტის ეთერზეთი ასევე ხელს უწყობს ემოციურ კეთილდღეობას.

 

გამოყენებამდე გაეცანით ინსტრუქციას, რათა თავიდან იქნას აცილებული გვერდითი ეფექტი. აუცილებლად განაზავეთ საბაზისო ზეთებში როგორებიცაა ხორბლის, ჟოჟობას, ქოქოსისა და ნუშის ზეთები. ორსულობისას ეთერზეთების გამოყენებამდე რეკომენდირებულია მიმართოთ მკურნალ ექიმს.

 

 

Read more →

რა არის კეტო დიეტა?

კეტო დიეტა არის ცხიმოვანი, დაბალი ნახშირწყლების დიეტა, რომელიც ცნობილია მისი ჯანმრთელობისათვის სასარგებლო მრავალი თვისებით. ბოლო წლების განმავლობაში ინტერესი კეტო დიეტის შესახებ გაიზარდა და მას მრავალი ადამიანი უწევს რეკომენდაციას.

კეტო დიეტა თავისი შინაარსით ნიშნავს ნახშირწყლების მკვეთრ შემცირებას და ცხიმის გაზრდას დღიურ რაციონში. გარკვეული პერიოდის შემდეგ, ნახშირწყლების  შემცირება თქვენს სხეულს დაეხმარება მეტაბოლური მდგომარეობის გაუმჯობესებაში. როდესაც ეს მოხდება, სხეული იწყებს ჭარბი ცხიმის დაწვას და ენერგიად გარდაქმნას, რაც იწვევს სხეულში ცხიმების რაოდენობის მნიშვნელოვნად შემცირებას.

როგორი სახის კეტო დიეტები არსებობს?

არსებობს განსხვავებული ტიპის კეტო დიეტა, მათ შორის:

*სტანდარტული კეტოგენური დიეტა (SKD):

როგორც წესი, შეიცავს 75% ცხიმს, 20% ცილას და 5% ნახშირწყალს.

*ციკლური კეტოგენური დიეტა (CKD):

კეტო დიეტის ეს ტიპი გულისხმობს დღის განმავლობაში უფრო მეტ ნახშირწყლის მიღებას. მაგალითად, თანაფარდობა 5/2, რაც გულისხმობს ხუთ კეტო დღეს/ 2 ნახშირწყლებით დატვირთულ დღესთან.

*მიზნობრივი კეტოგენური დიეტა (TKD):

ეს ტიპი საშუალებას გაძლევთ მიიღოთ შედარებით მეტი ნახშირწყალი დღეში ვიდრე ჩვეულებრივ კეტოს შემთხვევაში, მაგრამ ეს სახე ითვალისწინებს ფიზიკურ დატვირთავსაც.

*მაღალი ცილის კეტოგენური დიეტა (SKD)

ცილებით მდიდარი სახე რომელიც გულისხმობს შემდეგ თანაფარდობას: 60% ცხიმი, 35% ცილა და 5% ნახშირწყალი.

 

რა დადებითი თვისებები აქვს კეტო დიეტას?

კეტო დიეტით მოსარგებლე ადამიანთა უმრავლესობა საუბრობს იმაზე რომ მათი ორგანიზმი დღის განმავლობაში ითხოვდა იმაზე ნაკლები რაოდენობით ნახშირწყალს (ტკბილეულს, შაქარს).

რა საკვების მიღება შემიძლია კეტო დიეტის დროს?

სიამოვნებით გაგაცნობთ იმ გემრიელი საკვების სიას რისი მირთმევაც შეგიძლიათ აღნიშნულ მომენტში და რასაც Holland and Barrett გთავაზობთ.

ორგანული ნუშის ფქვილი,ქოქოსის ფქვილი, ქოქოსის ზეთი, ყურძნის წიპწის ზეთი, ნიგოზი, ნუში, სელის თესლი, გოგრის თესლი, ორგანული ლობიოს მარცვლების მზა საკვები, ნატურალურ კონჯაკის ფესვზე დამზადებული ბრინჯი და ყვითელი ოსპი,რომელიც გამოირჩევა არომატული თვისებებით და აუცილებლად დაიკავებს ადგილს თქვენს დღიურ რაციონში.

Holland and Barrett გარდა უშუალოდ საკვებისა გემრიელ წასახემსებლებსაც გთავაზობთ: ჩედარის, გაუდას და ემენტალის არომატებით.

 

Read more →

გამართული მიკრობიომი- წონის კლების გასაღები

ნაწლავის ჯანმრთელობა და წონის დაკლება ერთმანეთთან დაკავშირებული თემებია. უახლესი კვლევები აჩვენებს, რომ საჭმლის მომნელებელი სისტემის ჯანმრთელობა არა მხოლოდ  ჯანმრთელობის გასაღებია, არამედ წონის დაკლების საიდუმლოებაცაა.

რას აკეთებენ ბაქტერიაბი კუჭ-ნაწლავში?

კუჭ-ნაწლავში ბინადრობს ასობით, ათასობით ბაქტერია, რომელთა უმრავლესობა სასარგებლოა, თუმცა არ გამოგვრჩეს მეორე ნახევარიც, „ცუდი“ ბაქტერიები, რომლებიც ხელს უწყობენ სხვადასხვა გართულებების წარმოქმნას.

სასარგებლო ბაქტერიები უზრუნველყოფენ საჭმლის მონელებას, აუცილებელი საკვები ნივთიერებების, ფერმენტებისა და ჰორმონების წარმოქმნას, მეტაბოლიზმის ჯანსაღ ფუნქციონირებას და რაც მთავარია გეხმარებათ ვირუსებთან ბრძოლაში, სასარგებლო ბაქტერიები აძლიერებს იმუნურ სისტემას. მაგრამ მათ ამ ყველაფრის უზრუნველყოფა შეუძლიათ მხოლოდ იმ შემთხვევაში, თუ თქვენი მიკრობიომი დაბალანსებულია. თუ ასე არ არის, მაშინ შეიძლება ისეთი პრობლემების წინაშე დადგეთ როგორიცაა: დაბალი განწყობა, ცუდი იმუნიტეტი და წონის მომატება.

ნაწლავის ჯანმრთელობა და წონის კორექცია 

ნაწლავების კვლევის ერთ–ერთი მთავარი სფეროა ფოკუსირება წონის დაკლებაზე.  კვლევის ჩატარების შემდეგ აღმოჩნდა რომ ნორმალური წონის ადამინს გაცილებით მდიდარი მიკრობიუმი აქვს ვიდრე სიმსუქნისკენ მიდრეკილს. სასარგებლო ბაქტერიებს შეუძლიათ შეცვალონ ცხიმის შენახვის გზა და სისხლში გლუკოზის დონის ბალანსირება. ნაწლავის ჯანმრთელობის გაუმჯობესების და წონის დაკლების მიზნით თქვენ უბრალოდ უნდა დააბალანსოთ სასარგებლო ბაქტერიების რაოდენობა. 

საჭმლის მომნელებელ სისტემაში კარგი ბაქტერიების რაოდენობისა და მრავალფეროვნების გაზრდა: 

სტრესის შემცირება

კვლევებმა აჩვენა, რომ სტრესის ქვეშ ყოფნა ამცირებს ნაწლავის მიკრობების რაოდენობას და მრავალფეროვნებას. სცადეთ და გამოიჩინეთ დრო თქვენთვის საინტერესო სიახლეებისთვის, იქნება ეს იოგა, ხატვა თუ კარგი რომანის გადაკითხვა. 

იყავით აქტიური

გამოკვლევებმა აჩვენა, რომ სპორტსმენებს ნაწლავების ბაქტერიები უფრო მეტი აქვთ, ვიდრე არააქტიურ ადამიანებს. ვარჯიშმა შეიძლება გაზარდოს სხვადასხვა ბაქტერიული შტამების დონეები, ამასთანავე ხელი შეუწყოს სტრესის და წონის შემცირებას. 

სწორი კვების როლი კუჭნაწლავის ჯანმრთელობისთვის.

სწორი კვება არის მნიშვნელოვანი, როდესაც ჩვენ ვფიქრობთ ჩვენი ნაწლავის ჯანმრთელობის გაუმჯობესებაზე და წონის დაკლებაზე. აქ მოცემულია რამდენიმე გზა, რომლითაც შეგიძლიათ თქვენი დიეტა უფრო მრავალფეროვანი გახადოთ. 

  • შეზღუდეთ შაქარი და დამუშავებული საკვები. ჭარბი შაქარი თრგუნავს სასარგებლო ბაქტერიებს. დამუშავებული საკვები ხშირად შეიცავს შაქარს, მარილს, ნაჯერ ან ტრანს ცხიმებს, დანამატებს და კონსერვანტებს.
  • მიირთვით ბოჭკოვანით მდიდარი საკვები, როგორიცაა:ბანანი, ვარდკაჭაჭა, ხახვი, ნიორი, პრასი, ისევე როგორც მრავალი სხვა ხილი, ბოსტნეული, თხილეული და მარცვლეული. 
  • მოერიდეთ პროდუქტებს, რომლებიც არომატიზდება და ტკბილდება, რადგან ამან შეიძლება უარყოფითი გავლენა მოახდინოს მათ ეფექტზე. ამის ნაცვლად, აირჩიეთ ბუნებრივი ფერმენტირებული პროდუქტი.
აქვე გთავაზობთ რამდენიმე საუკეთესო პრობიოტიკს:
  • ბუნებრივი იოგურტი, კეფირი
  • Kombucha - ჩაის ფერმენტირებული სასმელი
  • კომბოსტო
  • არაპასტერიზებული ყველი.  

როგორ ეხმარება პრობიოტიკები წონის შემცირებას?

კვლევებმა აჩვენა, რომ პრობიოტიკებმა შეიძლება შეამცირონ სხეულის წონა და ცხიმის მასა ინდივიდუალურად, ასევე გააუმჯობესონ ცხიმის და შაქრის მეტაბოლიზმი. დიეტოლოგები, რომლებიც ურჩევენ პაციენტებს უფრო მეტი ჯანსაღი საკვებს მიირთმევას, უფრო სწრაფად კარგავენ ცხიმს და იძლიერებენ მეტაბოლიზმს ვიდრე იმ ადამიანთა კატეგორია ვინც იშვიათად და დიდი ულუფებით მიირთმევს საკვებს მთელი დღის განმავლობაში.

Read more →

მზისგან დაცვა

ადამიანების უმრავლესობისთვის ზაფხული პირველ რიგში დასვენებასთან, შემდეგ კი ზღვასთან ასოცირდება. ასეთ დროს ყველას უნდა ლამაზი ნამზეური, მზის სხივების მეტი მოქმედება და უმრავლესობას ავიწყდება მავნე გამოსხივებისგან თავის სწორად დაცვა.

სამწუხაროდ, მიუხედავად იმისა რომ ბოლო ათწლეულებში ექიმები ძალიან ხშირად წერენ და აფრთხილებენ მოსახლეობას მზის მავნე ზემოქმედების შესახებ, ცოტა ადამიანმა თუ იცის როგორ მიიღოს რუჯი სწორად.

როგორ დავიცვათ თავი მზის მავნე ზემოქმედებისგან?

  • უპირველეს ყოვლისა, რუჯის მისაღებად აუცილებელია დღის შესაბამისი მონაკვეთის შერჩევა. რეკომენდირებულია 11-დან 16 საათამდე თავის შეკავება მზეზე ყოფნისგან. ამ დროს ულტრა-იისფერი სხივები ყველაზე ინტენსიურია და დამწვრობის შანსი ძალიან მაღალია.
  • სწორად შერჩეული მზისგან დამცავი კრემი აუცილებელია კანის ჯანმრთელობისათვის. ასეთ დროს ყურადღება ექცევა SPF-ის შემცველობას და კრემის სწორად წასმას. რაც უფრო მაღალია მით უფრო მცირე რაოდენობით არის საჭირო მისი გამოყენება.
  • უმჯობესია მზისგან დამცავი კრემის წასმა მზეზე გასვლამდე 20-30 წუთით ადრე, შემდეგ კი პროცედურის გამეორება მინიმუმ 2 საათში ერთხელ მაინც.
  • აუცილებელია სკალპის (თავის კანი) და თვალების დაცვა მზის სხივებისგან.

იმისთვის რომ მზის სხივებმა ორგანიზმში წარმოქნმას ვიტამინი D, სრულიად საკმარისია მზის აბაზანის 15 წუთიანი მონაკვეთი დღის მანძილზე.

Holland & Barrett-ის მაღაზიაში შეგიძლიათ შიძინოთ მზისგან დამცავი  კრემები მთელი ოჯახისთვის  SPF30-ით და  SPF45-ით.

კრემი არის ულტრა თხელი, არ შეიცავს ზეთს და ადვილად შეიწოვება კანში. გამდიდრებულია ისეთი ანტიოქსიდანტებით, როგორიცაა ყურძნის წიპწების და მწვანე ჩაის ექსტრაქტი. ორივე მათგანი კანს იცავს ნაადრევი დაბერებისგან. კრემი არ იწვევს კომედონების გაჩენას და არ კრავს ფორებს. არის მთლიანად გამჭვირვალე და მისი ტარება შეიძლება მაკიაჟის ქვეშ.

ბავშვებისთვის შექმნილი სპეციალური ფორმულა ძლებს ხანგრძლივად და არის წყალგამძლე. მის შემადგენლობაშია გვირილა და კალენდულა. მოქმედებს 80 წუთის განმავლობაში(წყალში). შეგიძლიათ გამოიყენოთ 6 თვიდან ზემოთ ასაკის ბავშვებში.

წყალგამძლე კრემი ფართო სპექტრის მოქმედებით დაიცავს მთელს ოჯახს. მასში შემავალი ვიტამინი E, შეას კარაქი და მწვანე ჩაის ექსტრაქტი კვებავს კანს და იცავს მას მზის ულტრა-იისფერი გამოსხივებისგან.

Read more →

ზაფხული მწერების გარეშე

ზაფხულის ცხელ დღეებს, მცხუნვარე მზითა და მწვანე ბალახით თან სდევს მომაბეზრებელი კოღოები და მწერები, რომლებიც მზის ამოსვლისთანავე ჩნდებიან.

კოღო ყველაზე  საშიშ მწერად არის მიჩნეული იმის მიხედვით, თუ რა დაავადებას გამოიწვევს მისი ნაკბენი.

Holland and Barrett-ი შემოთავაზება Incognito- ს კოღოების საწინააღმდეგო საშუალებები, გამოირჩევა

  • ნატურალური შემადგენლობით
  • უსაფრთხოა მთელი ოჯახისთვის
  • არ შეიცავს ტოქსიურ ქიმიურ ნივთიერებებს
  • მოქმედებს სულ მცირე 5 საათის განმავლობაში
  • ტესტირებულია და პასუხობს გაერთიანებული სამეფოს უსაფრთხოებისა და ეფექტურობის სტანდარტების მოთხოვნებს.

აირჩიეთ თქვენთვის უფრო მოსახერხებელი ფორმა.

 

Incognito- კოღოების საწინააღმდეგო სპრეი - ეს არის მძლავრი საშუალება მწერებისაგან დასაცავად, რომელიც დაგიცავთ მკბენარა მწერებისგან, მათ შორის კოღოების ნებისმიერი სახეობისგან. სპრეის განახლებული ფორმულა შეიცავს ევკალიპტს, რომელიც ტესტირებულია ლონდონის ჰიგიენისა და ტროპიკული მედიცინის სკოლის მიერ აფრიკულ კოღოებზე. Incognito-ს სპრეის მიერ მალარიისაგან დაცვა დადასტურებულია კლინიკურად, იგი არ შეიცავს არანაირ დიეთილ (მეთილ) ტოლუამიდებს, პარაბენებს, გენმოდიფიცირებულ პროდუქტებსა და ნატრიუმის ლაურილ სულფატს. არ არის ტესტირებული ცხოველებზე და არ შეიცავს ცხოველური წარმოშობის ნივთიერებებს, რეგისტრირებულია  ვეგეტარიანული საზოგადოების მიერ.

დამცავი საშუალების გამოყენებისას დაიცავით უსაფრთხოების წესები: განკუთვნილია მხოლოდ გარეგანი გამოყენებისათვის. მოერიდეთ კონტაქტს თვალებთან.

ციტრუსის არომატის ეს სპრეი, გამოყენებისას არ ტოვებს ზეთოვანების/ცხიმიანობის შეგრძნებას, უსაფრთოა გამოსაყენებლად ახალდაბადებულებშიც კი (6 თვის ასაკიდან), აგრეთვე მგრძნობიარე კანის მქონეთათვის. პროდუქტის სულ რაღაც 100 მლ მოცულობა მას მოხერხებულს ხდის მოგზაურობისას.

incognito ბურთულიანი მწერებისაგან დამცავი საშუალება აქვს იგივე ფორმულა, რაც incognito-ს  სპრეის, მაგრამ უფრო მცირე ზომის ბურთულიანი ფორმატითაა წარმოდგენილი.

Incognito ციტრონელას საპონი ჩვეულებრივი საპნებისგან განსხვავებით  არ იზიდავს მწერებს. ის ფაქტობრივად ამცირებს თქვენს მიერ მწერების მიზიდულობას, თანაც მწერები არ არიან საჭირო იმისთვის, რომ მიიღოთ ამ დიდებული საპნისგან სხვა სარგებელიც. როგორ? მის შემადგენლობაში ციტრონელასთან ერთად ქოქოსის ზეთსა და სეზამის ზეთსაც შეხვდებით, რომლებიც უზრუნველყოფენ კანის დატენიანებასა და კვებას. აჩერებს ქავილს, ამცირებს ნაკბენი ადგილის შესიებას და გამოირჩევა ციტრონელას ნატურალური და მატონიზირებელი სურნელით.

 

Read more →